Միջկրօնական երկխօսութեան Քահանայապետական Խորհուրդի յայտարարութիւնը Իրաքի մասին։
29 հոկտեմբերին հրատարակած հաղորդագրութեան մէջ, Քահանայապետական Միջկրօնական Երկխօսութեան
Խորհուրդը, յայտնեց թէ` այս օրերուն, վերոյիշեալ խորհուրդի կեդրոնին մօտ ու անոր կազմակերպութեամբ,
տեղի կ՛ունենայ վեհաժողով մը ընդմէջ Քահանայապետական Միջկրօնական Երկխօսութեան Խորհուրդին
եւ Իրաքի Կրօնական Հարցերու Նախարարութեան` Շիիդ, Սիւննիդ, Քրիստոնեայ, Եազիտի եւ Սապէա
կրօններու ներկայացուցիչներուն։ Ժողովին կէտնպատակն է, միասնաբար համագործակցիլ ստեղծելու`
''երկխօսութեան մնայուն խորհուրդ'' մը, Իրաքի զանազան կրօնական հասարակութիւններու միջեւ։
Վեհաժողովի բացումը կատարեց Միջկրօնական Երկխօսութեան Քահանայապետական Խորհուրդի
նախագահ` Կարտինալ Ժան Լուի Թոռանը։ Գումարուած այս կարեւոր առաջին միջկրօնական վեհաժողովը
առիթ մըն է իրար զիրար մօտէն ճանչնալու եւ միասնաբար քննարկելու երկխօսութեան հեռանկարները
- կը կարդանք միշտ հրատարակուած հաղորդագրութեան մէջ - որ ապա կը յայտնէ թէ ժողովը վերջ
կը գտնէ 30 հոկտեմբերին, ժողովականներուն առիթ ընծայելով հանդիպելու Սրբազան Քահանայապետին։