''Երրորդ հազարամեակի եւրոպական հաստատութիւն'' հիմնարկութեան 10-րդ տարեդարձի հանդիսութիւն։
Հռոմի Գոլումպուս կոչուած պանդոկին մէջ, երկուշաբթի 28 հոկտեմբերի յետմիջօրէի ժամը 17,30-ին,
տեղի կ'ունենայ ''Երրորդ հազարամեակի եւրոպական հաստատութիւն'' հիմնարկութեան 10-րդ տարեդարձի
հանդիսութիւնը, որուն ընթացքին կը շնորհուի ''Պարզ հաղորդակցութիւն'' մրցանակը եւ որ
2013-ին շնորհուած է ֆրանչիսկոս Քահանայապետին որպէս ''տարուայ հաղորդող''։ Քահանայապետի
անունով մրցանակը պիտի ընդունի Վատիկանի մամլոյ գրասենեակի տնօրէն Յիսուսեան հայր ֆրետերիքօ
Լոմպարտին ։ Հանդիսութեան կը մասնակցին ազգային եւ միջազգային մամլոյ զանազան ներկայացուցիչներ։ ''Երրորդ
հազարամեակի եւրոպական հաստատութեան'' անդամ են աւելի քան 500 իտալացի մասնագէտներ։ Վերոյիշեալ
հաստատութեան առաջնահերթ գործունէութիւնն է խորհուրդներ տալ, ընկերային հաղորդամիջոցներու
մարզէն ներս, կառավարական զանազան հաստատութիւններու եւ անհատական ընկերութիւններու։