Twitter. Falenderimi i Papës për 10 milion ndjekësit: “Vazhdoni të luteni për mua”
Dje, pak pas orës 21.30, faqja @Pontifex e Papës Françesku në Twitter i kapërceu 10
milion ndjekësit. Sot paradite, në tweet-in e tij, Ati i Shenjtë i falenderoi të gjithë. “Të
dashur ndjekës – shkruan Papa Bergolio - mora vesh se jeni mëse 10 milion tashmë!
Ju falenderoj nga zemra e ju kërkoj të vazhdoni të luteni për mua”. Kujtojmë se
faqja në Twitter u përurua më 12 dhjetorin e vitit të kaluar nga Papa Benedikti XVI,
në 8 gjuhë të botës. Më 17 janar të këtij viti, u shtua latinishtja, që zgjoi interesim
të madh. Deri më 28 shkurt, dita e tërheqjes së Jozef Racinger nga papnia, e ndiqnin
Papën 3 milion e 300 mijë vetë. Gjatë Selisë Vakante, faqja u pezullua për t’u hapur
sërish më 17 mars, katër ditë pas zgjedhjes së Papës Françesku. Edhe më interesant
se vetë faqja është fenomeni i ri-tweetimit të mesazheve, për hir të të cilit, mëse
60 milion vetë, në të gjithë botën, njihen me fjalët e Papës Françesku. Gjuha më e
ndjekur është spanjishtja, me mëse 4 milion “follower”, pastaj anglishtja dhe italishtja.