ՀՀ ԱԳ նախարարը հանդիպեցաւ ՄԱԿ-ի քարտուղարի տեղակալ, ՄԱԿ-ի թմրանիւթերու եւ Յանցաւորութեան
Դէմ Պայքարի Գրասենեակի Ղեկավարին
Հոկտեմբեր 22-ին ՀՀ ԱԳ նախարար Էդուարդ Նալպանտեան հանդիպեցաւ ՄԱԿ-ի Գլխաւոր քարտուղարի
տեղակալ, ՄԱԿ-ի թմրանիւթերու եւ յանցաւորութեան դէմ պայքարի գրասենեակի գործադիր տնօրէն,
ՄԱԿ-ի Վիեննայի գրասենեակի ղեկավար Եուրի Ֆեդոտովին: Այս մասին կը տեղեկացնէ ԱԳՆ մալոյ
տւ տեղեկատուութեան վարչութիւնը: Հանդիպումի ընթացքին կողմերը անդրադարձան Հարաւային
Կովկասի եւ Կեդրոնական Ասիոյ համար Թմրանիւթերու դէմ պայքարի 2012-2015թթ.. ռազմավարութեան
կենսագործման: Զրուցակիցները կարեւորեցին միջազգային հանրութեան ջանքերու համադրումը
թմրանիւթերու ապօրինի շրջանառութեան դէմ պայքարին: էդուարդ Նալպանտեան ու Եուրի Ֆեդոտովը
անդրադարձան ՄԱԿ-ի թմրանիւթերու եւ յանցաւորութեան դէմ պայքարի գրասենեակի կողմէ յառաջիկային
կազմակերպուելիք համաժողովներուն Հայաստանի մասնակցութեան: ՄԱԿ-ի գլխաւոր քարտուղարի
տեղակալը բարձր գնահատեց Վիեննայի մէջ ՄԱԿ-ի գրասենեակի եւ Վիեննայի մէջ ՀՀ ներկայացուցչութեան
միջեւ հաստատուած արդիւնաւէտ համագործակցութիւնը: