«Սուրիոյ Բարեկամներ»-ը համաձայնեցան, որ Ասատ ապագայ Սուրիոյ մէջ հերակատարութիւն չունի»
ըսաւ Հէյկ
«Սուրիոյ բարեկամներ»-ը երէկ Լոնտոնի մէջ գումարեցին ժողով մը, որուն աւարտին Բրիտանիոյ
արտաքին գործոց նախարար Ուիլիըմ Հէյկ յայտարարեց, որ ժողովը համաձայնութիւն գոյացուցած
է այն մասին, թէ` «Սուրիոյ նախագահ Պաշշար Ասատ Սուրիոյ ժողովրդավար ու խաղաղասէր պետութեան
մէջ դերակատարութիւն չունի, սակայն առանց «Ժընեւ-2»-ի մասնակցութեան նախապայմաններ դնելու»: Հէյկ
սուրիական ընդդիմութեան կոչ ուղղեց` Սուրիոյ տագնապի քաղաքական լուծման աջակցութիւնը
շարունակելու, որովհետեւ տագնապին ռազմական լուծումը կարելի չէ` աւելցնելով, որ «Ժընեւ-2»-ին
մէջ սուրիացի ժողովուրդին ներկայացուցիչը չափաւորական ընդդիմութիւնն է: Ժողովի գումարումէն
ժամեր առաջ Հէյկ նշեց, որ Իրան կրնայ մասնակցիլ «Ժընեւ-2»-ին: Սուրիական ընդդիմադիր
Ազգային համաձայնական մարմինի նախագահ Ահմատ Ժարպա յայտարարեց, որ իրենք «Ժընեւ-2»-ին
պիտի չմասնակցին, եթէ անոր նպատակը Ասատի հեռացումը չէ: ՄԱԿ-ի ընդհանուր քարտուղարի
բանբեր Մարթին Նիսիրքի յայտարարեց, որ տակաւին «Ժընեւ-2»-ին պաշտօնական թուական չէ ճշդուած,
եւ երբ պատրաստ ըլլայ Պան Քի Մուն պիտի յայտարարէ այդ մասին: