22 ഒക്ടോബര് 2013, വത്തിക്കാന് പരിശുദ്ധ സിംഹാസനം മധ്യയൂറോപ്യന് രാജ്യമായ ഹംഗറിയുമായി
ഒരു ഉടമ്പടിയില് ഒപ്പുവച്ചു. ഹംഗറിയിലെ പൊതുമേഖലാ രംഗത്തും മതപ്രവര്ത്തന മേഖലയിലും
കത്തോലിക്കാ സഭയുടെ പ്രവര്ത്തനങ്ങള്ക്കുള്ള സാമ്പത്തിക സഹായത്തെ സംബന്ധിക്കുന്നതാണ്
ഈ ഉടമ്പടി. സഭയുടെ സ്വത്ത് സംരക്ഷിക്കുന്നതുമായി ബന്ധപ്പെട്ട ചില കാര്യങ്ങളും ഉടമ്പടിയിലുണ്ട്.
1997ല് ഇരു രാഷ്ട്രങ്ങളും ഒപ്പുവച്ച ഒരു ഉടമ്പടിയില് ചില ഭേദഗതികള് വരുത്തുന്ന
പുതിയ ഉടമ്പടിയുടെ ഒപ്പുവയ്ക്കല് ചടങ്ങ് ഒക്ടോബര് 21ന് ബുഡപെസ്റ്റില് ഹംഗേറിയന് പാര്ലമെന്റ്
മന്ദിരത്തില് വച്ചാണ് നടന്നത്.