ֆրանչիսկոս Քահանայապետը վաւերացուցած է խումբ մը Աստուծոյ ծառաներու բարեխօսութեամբ
կատարուած շնորհքները։
9 հոկտեմբերին կարտինալ Անճելօ Ամաթօ` կառավարիչը սուրբերու դատի ժողովին, ֆրանչիսկոս
Քահանայապետին ներկայացուցած է խումբ մը Աստուծոյ ծառաներու կատարած շնորհքները, որոնց
հետեւանքով անոնք խորաններու պատւոյն կ՛արժանանան ։
Աստուծոյ ծառաներու շարքին
են`
- Երանուհի Անճելա Դա ֆոլինիօ որ սուրբերու դասին կ'արժանանայ։ Ան անդամ
էր ֆրանչիսկեան միաբանութեան, ծնած` ֆոլինիօ քաղաքը (Իտալիա) 1248 թուականին ու վախճանած
4 յունուար 1309։
- Աստուծոյ աղախին Մարիա Ասունդա Գադերինա Մարքեթի` որ իր բարեխօսութեամբ
կատարուած մէկ հրաշքին շնորհիւ արժանի կը դառնայ դասուելու երանելիներու շարքին։ Ան ծնած
էր Լոմբրիչի տի Գամայորէ (Իտալիա) 15 օգոստոս 1871-ին եւ վախճանած Սան Բաոլօ (Պրազիլ)
1 յուլիս 1948-ին։ Եղած է հիմնադիրը սուրբ Գարլոսի իգական միաբանութեան։
- Աստուծոյ
ծառայ Բիօ Ալպերդօ տել Գորոնայ` որ իր հերոսական առաքինութիւններու ճանաչումով կը դառնայ
երանելի։ Ան եղած է եպիսկոպոս ու հիմնադիրը Տոմենիքեան իգական միաբանութեան։ Ծնած է Լիվորնօ
(Իտալիա) եւ վախճանած ֆիրենցէ 15 օգոստոս 1912-ին։
- Աստուծոյ աղախին Մարիա Եղիսաբէթ
Թուրկօնի` երանուհի, եղած է հիմնադիր սուրբ վարդարանի իգական միաբանութեան։ Ծնած է Պոմոն
(Գանատա) 7 փետրուար 1840-ին եւ վախճանած Ռիմուսքի 17 օգոսոտոս 1881-ին։
- Աստուծոյ
աղախին Մարիա Ուիլսոն` որ իր հերոսական առաքինութիւններու ճանաչումով կը դառնայ երանուհի։
Ան եղած է հիմնադիրը ֆրանչիսկեան իգական միաբանութեան, ծնած է Հիւռիհիւր (Հնդկաստան)
3 հկտեմբեր 1840-ին եւ վախճանած Գամարա տէ Լոբոս (Փորթուկալ) 18 հոկտեմբեր 1916-ին։
-
Աստուծոյ աղախին Մարիա Էլենորա Ճորճի որ եկեղեցւոյ երանելիներու շարքին կը դասուի հերոսական
առաքինութիւններու ճանաչումով։ Ան ծնած է Սքեճիանօ (Իտալիա) 19 յունուար 1882 -ին եւ
վախճանած ֆիրենձէ` 6 նոյեմբեր 1945-ին։
- Հուսկ Աստուծոյ ծառայ Բիօ Աթիլիօ Լուչիանօ
Ճորտանի` ընտանիքի հայր, ծնած էր Միլանօ (Իտալիա) 3 փետրուար 1913-ին եւ վախճանած Գամբօ
Կրանտէ (Պրազիլ) 18 դեկտեմբեր 1972-ին։