Пра свабоду з Богам і без Яго паразважаюць у Берліне
Бог – сябра свабоды
ці яе самы вялікі вораг? Над гэтым пытаннем паразважаюць удзельнікі чарговага этапу
ініцыятывы “Падворак язычнікаў”, які 26-28 лістапада пройдзе ў Берліне – горадзе ў
якім дыскусіі аб адносінах паміж Богам і свабодай вядуцца на працягу стагоддзяў. Дастаткова
ўзгадаць, што менавіта тут свае тэзісы выкладалі такія філосафы як Фіхтэ, Шлеермахер,
Шэлінг і Ніцшэ. 14 кастрычніка з праграмай берлінскага “Падворку язычнікаў”, журналістаў
пазнаёміў старшыня епіскапату Германіі арцыбіскуп Роберт Цоліч. Прэс-канферэнцыя прайшла
ў Зале Друку Апостальскай Сталіцы пры ўдзеле некаторых іншых немецкіх іерархаў, а
таксама старшыні Папскай рады па культуры кардынале Джанфарнка Равазі.
У рамках
“Падворку язычнікаў” вернікі і атэісты супольна пагавораць пра тое, ці Бог пагражае
свабодзе ці не, якія адносіны існуюць паміж этыкай і верай у Бога, якія межы свабода
мае ў медыцыне і мастацтве і іншыя тэмы.
“Гаворка ідзе пра тое, каб з увагай
прааналізаваць, з культурнага пункту гледжання, канкрэтныя досведы свабоды з Богам
і без Яго, перастаць апавядаць міфы адзін аб адным, супрацьстаяць абмежаванню свабоды
на мараль і этыку. Гаворка ідзе пра тое, каб стаць свядомымі глыбіні і шырыні досведу
свабоды, крэатыўнасці і стварэння, лепш разумець адзін аднаго, жэсты і рэалізацыю
свабоды”, - сказаў арцыбіскуп Цоліч.