U lumnuan dje 522 martirë spanjollë. Papa: bota duhet çliruar nga çdo lloj dhune!
“Ta lavdërojmë Zotin për këta besimtarë të Tij të guximshëm e me ndërmjetësinë e tyre
t’i lutemi ta çlirojë botën nga çdo lloj dhune”. Me këto fjalë, Papa Françesku kujtoi,
në lutjen e sotme të Engjëllit të Tënzot, në përfundim të Meshës në Sheshin e Shën
Pjetrit, 522 martirët e persekutimit spanjoll, lumnuar sot në Tarragonë të Spanjës,
gjatë një kremtimi kryesuar nga kardinali Anxhelo Amato, prefekt i Kongregatës për
Çështjet e Shenjtorëve.Të pranishmëve Papa u drejtoi edhe një videomesazh, në të cilin
i paraqiti martirët si shembull që duhet ndjekur, për të dalë nga vetvetja e për
t’ia hapur në të dy kanatat Zotit, portat e shpirtit.