Ֆրանչիսկոս Սրբազան Քահանայապետի գործունէութիւնն ու պաշտօնական հանդիպումները։
Շաբաթ, 12 հոկտմբեր 2013-ի առաւօտեան, Ֆրանչիսկոս Սրբազան Քահանայապետը իր գրասենեակի
մէջ ընդունեց Տիար Գարլոս Ավիլա Մոլինան`Հոնտուրասի նոր անուանուած դեսպանը` հաւատարմագրերու
ներկայացումի առթիւ։ Նորին Սրբութիւնը ապա ընդունեց Կարտինալ Մարք Ուելլէն Եպիսկոպոսներու
ժողովի կառավարիչը, հուսկ ժամը 12,15-ին, Գլեմենդինա սրահին մէջ, ունկնդրութիւն շնորհեց
ՅՊԲ երջանկայիշատակ քահանայապետի '' Mulieris Dignitatem'' շրջաբերական թուղթի հրատարակման
25-րդ տարեդարձի առթիւ, Աշխարահականներու Քահանայապետական խորհուրդի կողմէ կազմակերպուած
ուսումնաժողովի 150 մասնակիցներուն։ Իսկ յետ միջօրէի ժամը 5-ին, Սուրբ Պետրոսի հրապարակի
վրայ, Սրբազան Հայրը կը նախագահէ Մարեմեան Օրերու առթիւ կազմակերպուած Մարեմեան աղօթքի
հսկումի արարողութիւնը
'' Mulieris Dignitatem'' շրջաբերական թուղթի հրատարակման
25-րդ տարեդարձի առթիւ, կազմակերպուած ուսումնաժողովի մասնակիցներուն հետ հանդիպման ընթացքին,
Ֆրանչիսկոս Սրբազան Քահանայապետը խօսքը ուղղելով ներկաներուն անդրադարձաւ իր նախորդին`
Յովհաննէս Պօղոս Բ-ի, վերոյիշեալ շրջաբերական թուղթի կարեւորութեան ու անոր իմաստին որով
''Աստուած մարդ արարածը յատուկօրէն կը յանձնէ կնոջ''։ Նորին Սրբութիւնը մատնանշեց
թէ այս ''յատուկ յանձնումը'' կնոջ` անոր ''մայրութեան'' մէջ կը կայանայ։ Կինն է որ ծնունդ
կու տայ եւ իր արգանդին մէջ կը կրէ մարդոց որդիները։ Աստուած կինը կոչելով մայրութեան`
յատուկօրէն անոր յանձնեց մարդ էակը։ ''Mulieris Dignitatem'' շրջաբերական թուղթը ուսումնասիրուած
խորհրդածութիւն մը կը ներկայացնէ կնոջ ու անոր դերին մասին - ըսաւ Սրբազան Քահանայապետը
- հարց տալով թէ. ի՞նչ դեր ունի կինը Եկեղեցւոյ կեանքէն ներս եւ ի՞նչպէս կրնայ աւելիով
արժեւորուիլ։ Ւրողութիւն մը որ սրտիս շատ կը խօսի - ըսաւ Սրբազան Հայրը - ու ապա խօսքը
եզրափակեց շնորհակալութիւն յայտնելով ներկաներուն ու հայցելով որ ''Ամենասուրբ Մարիամ,
Մայր Յիսուսի եւ Աստուծոյ բոլոր որդիներուն, առաջնորդէ բոլորին քայլերը։''