У завяршэнне свайго
артыкула , апублікаванага ў ватыканскай газеце “L’Osservatore Romano”, старшыня Еўрапейскага
парламента Марцін Шульц запрасіў папу Францішка выступіць перад дэпутатамі, якія прадстаўляюць
у Страсбургу краіны Еўропы. 11 кастрычніка 2013 г. Пантыфік прыняў Шульца на аўдыенцыі
ў ватыканскім Апостальскім палацы. “Дваццаць пяць гадоў таму, у гэты ж дзень, Ян Павел
II выступіў перад Еўрапейскім парламентам, сабраным у Страсбургу, з натхнёнай прамовай
, - напісаў у сваім артыкуле нямецкі сацыял-дэмакрат. - Сёння, для Еўрапарламента
было б вялікім гонарам пачуць зноў выступленне Святога Айца, яго словы прадбачання,
салідарнасці і надзеі”.
Закрануўшы перспектыву “павольнага, але няўхільнага
падзення Еўропы”, Шульц напісаў, што Стары кантынент “павінен зноў быць ажыўлены адноўленым
сэнсам прысвячэння ясным мэтам”. Ён задаўся пытаннем, якія павінны быць гэтыя мэты?
І адказаў, што перш за ўсё Еўропу зменіць сіла служэння “апошнім”, шлях вызвалення
ад няроўнасці і беднасці. “Еўропа павінна ацэньвацца на аснове таго, як яна ставіцца
да грамадзян, якія знаходзяцца ў патрэбе, найбольш абяздоленых і ўразлівых слаёў насельніцтва,
якія рызыкуюць сваімі жыццямі, каб дасягнуць берагоў нашага кантынента”, - напісаў
палітык і спаслаўся на сітуацыю на італьянскім востраве Лампедуза.
Еўропу,
на яго думку, выратуе сіла дыялогу. Людзям, якія тут жывуць, трэба навучыцца “слухаць
адзін аднаго”, а палітыкам, слухаць сваіх усходніх і паўднёвых суседзяў. Паводле меркавання
Шульца, крытэрыем, на падставе якога трэба ацэньваць Еўропу, з’яўляюцца перспектывы,
якія яна прапануе маладым людзям. Ён прывёў трагічныя лічбы беспрацоўя сярод моладзі
на кантыненце і сцвердзіў, што сённяшняя “Еўропа здраджвае сваіх маладых грамадзян”.
Старшыня
Еўрапарламента адзначыў, што “еўрапеізм Каталіцкага Касцёла” прапанаваў заўсёды не
толькі падтрымку, але і крытычны аналіз і сваё бачанне будучыні еўрапейскага праекта.
Таму, на яго думку, выступленне папы Францішка ў Еўрапейскім парламенце магло б адыграць
станоўчую ролю.