Organizohet takimi: “Liria fetare dhe martirët e fesë”.
U organizua sot, në Bazilikën e Shenjtes Krygjë, në Firence të Italisë, takimi me
temë: “Liria fetare dhe martirët e fesë”. Gjatë këtij takimi kushtuar Kishës,
që vuan në të katër anët e botës, duke shtuar ditë për ditë aradhet e martirëve të
krishterë, të pranishmit ndoqën me vëmendje të posaçme fjalën e imzot Jozef Kuts,
kryetar i Konferencës ipeshkvnore të Pakistanit, ku martirizimi i të krishterëve është
në rend të ditës, deri në mbërthimin mbi kryq, si Mësuesi Hyjnor. Titullohej: “Dëshmia
e Kishës që vuan në Pakistan e në Azi”. Takimi u hap nga drejtori i lëvizjes “Ndihmë
për Kishën që vuan”, Massimo Ilardo.