Աշխարհի լաւագոյն աշխատաւորական ուժ ունեցող տասը երկիրները:
«Պիզնես Ինսայտըր» կը գրէ, որ որեւէ երկրի մարդկային դրամագլուխը` աշխատակիցներու տաղանդն
ու արդիւնաւէտ աշխատանքը, կարեւորագոյն գործօններէն մէկն է երկրի տնտեսական զարգացման: Ներկայացնելով
աշխարհի երկիրներու վարկանիշային ցուցակը, ըստ աշխատաւորական ուժի արդիւնաւէտութեան,
Համաշխարհային տնտեսական համախմբումը կը պնդէ, որ ազգի մը աշխատաւորական ուժի կենսունակութիւնը
առաւել կարեւոր որոշիչ հանգամանք է երկարատեւ տնտեսական զարգացման համար: Վարկանիշային
գնահատականը հիմնուած է չորս գործօններու վրայ` կրթութիւն, առողջապահութիւն, աշխատաւորական
ուժ եւ բարենպաստ միջավայր: Աշխատաւորական ուժը իր հերթին գնահատուած է քանի մը տուեալներով`
տաղանդ, փորձառութիւն եւ գիտելիք: Ըստ այնմ, լաւագոյն աշխատաւորական ուժ ունեցող տասը
երկիրներու վարկանշային աղիւսակը հետեւեալն է. 1.- Զուիցերիա Զուիցերիա չորրորդ
երկիրն է կրթութեան մակարդակով, առաջինը` առողջապահութեան եւ աշխատաւորական ուժի, իսկ
երկրորդը` բարենպաստ միջավայրով: 2.- Ֆինլանտա Այս երկիրը առաջինն է կրթութեան
մակարդակով, 9-րդը` առողջապահութեան, երրորդը` աշխատաւորական ուժի եւ առաջինը` բարենպաստ
միջավայրով: Ֆինլանտան ունի հիանալի ենթակառուցուածքային համակարգ եւ հմուտ աշխատաւորներ: 3.-
Սինկափուր Սինկափուրը երրորդն է կրթութեան մակարդակով, 13-ը` առողջապահութեան, երկրորդը`
աշխատաւորական ուժի եւ հինգերորդը` բարենպաստ միջավայրով: Սինկափուրի կրթական բաւական
խիստ համակարգը կը նպաստէ ուժեղ եւ մրցունակ աշխատաւորական ուժի ձեւաւորման: 4.- Հոլանտա Այս
երկիրը 7-րդն է կրթութեան մակարդակով, 4-րդը` առողջապահութեան, 8-րդը` աշխատաւորական
ուժի, 4-րդը` բարենպաստ միջավայրով: Հոլանտան յայտնի է իր առաջնակարգ առողջապահական համակարգով,
կրթութեամբ եւ ենթակառոյցներով: 5.- Շուէտ Շուէտը 14-րդն է կրթութեան մակարդակով,
2-րդը` առողջապահութեան, 6-րդը` աշխատաւորական ուժի, 10-րդը` բարենպաստ միջավայրով: 6.-
Գերմանիա Գերմանիան 19-րդն է կրթութեան մակարդակով, 8-րդը` առողջապահութեան, 9-րդը`
աշխատաւորական ուժի, 3-րդը` բարենպաստ միջավայրով: Գերմանիան` իր ենթակառոյցներու համակարգին
եւ աշխատաւորական ուժին շնորհիւ աւելի դիւրին տոկաց Եւրոպական Միութեան տնտեսական ճգնաժամին,
քան որեւէ այլ երկիր: 7.- Նորվեկիա Նորվեկիան 15-րդն է կրթութեան մակարդակով, 6-րդը`
առողջապահութեան, 5-րդը` աշխատաւորական ուժի, 8-րդը` բարենպաստ միջավայրով: 8.- Բրիտանիա Բրիտանիան
10-րդն է կրթութեան մակարդակով, 17-րդը` առողջապահութեան, 10-րդը` աշխատաւորական ուժի,
7-րդը` բարենպաստ միջավայրով: 9.- Դանիա Դանիան 18-րդն է կրթութեան մակարդակով,
3-րդը` առողջապահութեան, 12-րդը` աշխատաւորական ուժի, 11-րդը` բարենպաստ միջավայրով:
Դանիոյ հիմնական ուժեղ կողմը իր առողջապահական համակարգն է: Այնտեղ ապրող մարդիկ ամէնէն
նուազ հիւանդանալու վարկանիշով երկրորդ դիրքը կը գրաւեն: 10.-Քանատա Քանատան 2-րդն
է կրթութեան մակարդակով, 20-րդը առողջապահութեան, 15-րդը` աշխատաւորական ուժի, 17-րդը`
բարենպաստ միջավայրով: Քանատան Ֆինլանտայէն ետք երկրորդն է կրթութեան մակարդակով: