Амерыканскі кардынал пра трох Пантыфікаў: душа, розум і сэрца
“Пантыфікаты Яна Паўла
II, Бэнэдыкта XVI і Францішка можна ахарактарызаваць трыма вобразамі: душы , розуму
і сэрца”, - напісаў кардынал Цімаці Долан, арцыбіскуп Нью-Ёрка , у артыкуле, апублікаваным
на старонках газеты “New York Post”. Іерарх адзначыў , што “душа” Яна Паўла II адыграла
асаблівую ролю ў розных напрамках. Ён нагадаў Прэзідэнта ЗША Джымі Картэра, які ў
1979 г., пасля візіту Папы ў Белы дом, назваў яго “душой свету”. “Ён пастаянна падкрэсліваў
першаснасць душы”, - напісаў кардынал. Таму заклікаў вернікаў да малітвы, нагадваючы
пра неабходнасць пастаяннага абнаўлення душы праз сакрамэнты.
Для кардынала
, Бэнэдыкт XVI з’яўляецца вялікім тэолагам, паважаным прафесарам і аўтарам кніг, які
кіраваў свае словы асабліва да “галавы”. “Нанова паказаў вялікую інтэлектуальную спадчыну
Касцёла і ўвесь час нагадваў нам, што вера і розум не супрацьстаяць адно аднаму, але
на самой справе з’яўляюцца саюзнікамі”, - можна прачытаць у артыкуле.
Паводле
кардынала Долана, Францішак падкрэслівае важнасць “сэрца”. Іерарх узгадаў аднаго цынічнага
рэпарцёра, які пасля гаміліі Папы на інаўгурацыі пантыфікату 19 сакавіка 2013 г. са
слязамі на вачах сказаў яму: “Кожны дзень я пішу пра вайну, голад, забойствы і насілле
і тут я сустрэў чалавека, які кажа так лагодна аб дабрыні і пяшчоце. Я меў патрэбу
ў гэтым!”.
“Цяпло, спачуванне, радасць, спагада ў адносінах да людзей, прыняцце,
любоў – гэта словы, якія Святы Айцец Францішак часта выкарыстоўвае, і яны ўсе трапляюць
у сэрца”, - напісаў кардынал Долан.
Арцыбіскуп Нью-Ёрка заканчвае свой артыкул
словамі: “Ян Павел II падкрэсліў тое, што духоўнае (душу), Бэнэдыкт XVI, што інтэлектуальнае
(галаву), Францішак падкрэслівае пастырскае (сэрца). Усе яны разумеюць, што ўсе тры
рэчы маюць важнае значэнне. Аднак кожны расстаўляе па-рознаму акцэнты”.