Եպիսկոպոսական Սիւնհոդոսի Քարտուղարութեան 13-րդ Խորհրդաժողովի 5-րդ Նիստը։
7-8 հոկտեմբեր, Վատիկանի մէջ գումարուած է Եպիսկոպոսական Սիւնհոդոսի քարտուղարութեան
13-րդ Խորհրդաժողովի 5-րդ նիստը, Սիւնհոդոսի, նոր նշանակուած, ընդհանուր քարտուղար` գերապայծառ
Լորենցօ Պալտիսէրիի նախագահութեամբ եւ մասնակցութեամբ Սիւնհոդոսի նախկին քարտուղար` գերապայծառ
Նիքոլա Էդէրովիչի։ Վերոյիշեալ խորհրդաժողովը պիտի քննարկէ ի մէջ այլոց, անցեալ շաբաթ
գումարուած ''Կարտինալական Խորհուրդի'' սիւնհոդոսի հայող ներկայացուցած առաջարկները եւ
պիտի որոշէ սիւնհոդոսական յառաջիկայ նիստերուն նիւթերը։ Յայտնենք որ նախորդ նիստը գումարուած
էր անցեալ յունիսին։