Ֆրանչիսկոս Քահանայապետի Ցաւը ''Լամբետուզայի'' Մէջ Պատահած Նոր Ողբերգութեան։
Հինգաշբթի 3 հոկտեմբերի հրատարակած մէկ թուիթին մէջ Ֆրանչիսկոս Քահանայապետը իր խոր կսկիծն
ու ցաւը յայտնած է ի տես ''Լամբետուզայի'' մէջ պատահած գաղթականութեան զոհ նոր ողբերգութեան։
Նորին Սրբութիւնը իր թուիթին մէջ գրած է` ''Աղօթք բարձրացնենք առ Աստուծոյ Լամբետուզայի
ափին ողբերգական նաւաբեկութեան զոհերուն համար''։ Յայտնենք որ իտալական մամուլի
համաձայն այս առաւօտ, Լամբետուզայի ափին, 300 - է աւելի գաղթականներ փոխադրող նաւ մը
բռնկուած է եւ որուն պատճառաւ 80 հոգիներ մահացած են, իսկ այլ 250 հոգիներու ճակատագիրը
տակաւին անյայտ կը մնայ։