Пантыфік сустрэнецца з усімі кіраўнікамі Усходніх Каталіцкіх Цэркваў
Папа Францішак надае
Усходнім Каталіцкім Цэрквам важную ролю і таму запрасіў усіх кіраўнікоў гэтых супольнасцяў
у бліжэйшы час сустрэцца на сумесным пасяджэнні ў Ватыкане. Аб гэтым паінфармаваў
прэфект Кангрэгацыі па справах Усходніх Касцёлаў, кардынал Леанарда Сандры. Ён пачаў
3 кастрычніка 2013 г. візіт у Германію, у рамках якога сустрэнецца з членамі Ініцыятыў
дапамогі Усходнім Цэрквам (ROACO) – аб’яднання дабрачынных арганізацый з усяго свету,
якія фінансава падтрымліваюць дзейнасць хрысціян Блізкага Усходу.
Як былы ардынарый
для вернікаў усходняга абраду ў Аргентыне Францішак добра ведае іх праблемы, сказаў
кардынал Сандры аўстрыйскаму каталіцкаму інфармацыйнаму агенцтву. “Я думаю, што Усходнія
Каталіцкія Цэрквы, у святле ІІ Ватыканскага Сабору, нясуць адмысловае экуменічнае
пакліканне і з’яўляюцца мадэллю бачнага адзінства – у разнастайнасці”, - падкрэсліў
іерарх.
Цэрквы Егіпта, на яго думку, адыгрываюць ключавую ролю для хрысціянства
на Блізкім Усходзе. Егіпет з’яўляецца краінай з большасцю хрысціян у рэгіёне, дзе
яны складаюць неад’емную частку грамадства. Разам з мусульманамі яны хацелі змагацца
за лепшую будучыню для моладзі і сем’яў, падкрэсліў кардынал Сандры. Ватыканскі іерарх
папрасіў хрысціян быць салідарнымі ў гэтым пытанні з мусульманамі на Блізкім Усходзе.