''Խաղաղութիւն Երկրի Վրայ'' Շրջաբերական Թուղթի 50-րդ Յոբելեանի Ձեռնարկները։
2 - 4 հոկտեմբեր 2013, Հռոմի մէջ տեղի կ՛ունենան, ''Խաղաղութիւն Երկրի Վրայ'' շրջաբերական
թուղթի հրատարակութեան 50-րդ յոբելեանի առթիւ ձեռնարկները որ ունին որպէս բանաբան ''Քաղաքական
ասպարէզի մէջ յանձնառու` կաթողիկէ նոր սերունդի կազմաւորումը'' եւ որուն բացումը կը
կատարէ, չորեքշաբթի 2 հոկտեմբերի առաւօտեան, Արդարութիւն եւ խաղաղութիւն Քահանայապետական
խորհուրդի Նախագահը Կարտինալ Բիդէր Թուրքսոն։ Ձեռնարկներու ծիրէն ներս չորեքշաբթի
2 հոկտեմբերին նախատեսուած են զանազան նիստեր որոնց ընթացքին կը շօշափուին, ի մէջ այլոց,
հտեւեալ նիւթերը ''Եկեղեցւոյ իրավիճակը այսօրուայ աշխարհին մէջ եւ Քահանայապետական ու
Կաթողիկէ համալսարաններու յանձանռումը'' ։ ''Ընկերային քաղաքականութիւնն ու արդարութիւնը,
նոր հեռանկարներ եւ իրագործումի նոր միջոցներ''։ ''Հասարակաց բարիքը ու զայն հետապնդելու
նոր պայմաններ'' եւ ի վերջոյ ''Քաղաքականութեան ասպարեզին մէջ յանձնառու Կաթողիկէ նոր
սերունդը եւ քահանայապետական ու կաթողիկէ համալսարաններու դերը''։ Հինգշաբթի 3 հոկտեմբերի
նիստերու ընթացքին, որ տեղի պիտի ունենան Վատիկանի ''Սիւնհոդոսական'' սրահին մէջ, հանդիսաւոր
կերպով պիտի նշուի ''Խաղաղութիւն երկրի վրայ'' շրջաբերական թուղթի 50 ամեակը, շեշտը դնելով
անոր այժմէականութեան վրայ։ Այս առթիւ նախատեսուած է միջազգային համբաւ ունեցող բարձրաստիճան
եկեղեցականներ եւ ակատեմական աշխարհի մասնագէտներ։ Ուրբաթ օրուայ նիստերու ընթացքին նախատեսուած
են ''կլոր սեղաններ'' եւ ներկայ ժամանակաշրջանի տագնապներու շուրջ զեկոյցներ որոնք ի
մէջ այլոց կ՛անդրադառնան ''արդի տնտեսական տագնապի, դաստիարակութեան մարտահաւէրի եւ ընկերային
հաղորդակցութեան միջոցներու խաղաղութեան ի սպաս դերի'' մասին։