Agjencia e Statistikave të Kosovës ka njoftuar sot se shifra zyrtare e papunësisë
në Kosovë është 30.9 për qind. Sipas statistikave, 28.1 për qind papunësia është te
meshkujt, ndërsa 40 për qind te femrat. Sipas rezultateve të anketës së fuqisë punëtore
bërë në vitin 2012 nga Agjencia e Statistikave të Kosovës, paga mujore neto, mesatare
është rreth 300 deri në 400 euro. Ndërsa, është bërë e ditur se 1/4 e popullsisë së
punësuar janë të arsimuar në nivel terciar. Sipas këtij raporti, 8. 5 për qind janë
të vetëpunësuar , 88.9 për qind punojnë në kohë të plotë, ndërsa 11.1 për qind punojnë
në kohë të pjesshme. Po ashtu, raporti tregon se të punësuarit në Qeverinë e Kosovës
punojnë 38 deri 39 orë në javë. (m.s/Koha/BalkanWeb)