Impenjimi i Xhandarmërisë së Vatikanit: flet drejtori, Domeniko Xhani
Nuk duhet të flasim keq për njëri-tjetrin: kështu e këshilloi Papa Françesku personelin
e rendit e të sigurisë, që shërben në Vatikan, në meshën, që kremtoi dje para Shpellës
së Lurdës në Kopshtet e Vatikanit. Papa foli për luftën e errësirës me dritën, të
natës me ditën, së cilës i duhet kundërvënë impenjimi për bashkim. Me këtë meshë,
Ati i Shenjtë deshi të kremtojë së bashku me Trupin e Xhandarmërisë festën për 197-vjetorin
e themelimit. Mesha u kremtua dje, por festa binte të enjten. Në mikrofonin tonë,
komandanti i Trupit të Xhandarmërisë, Domeniko Xhani: Kremtuam të enjten
Festën e Xhandarmërisë, 197-vjetorin e themelimit të saj. Pas këshillave të çmuara
të Atit të Shenjtë në meshë, duhet ta luftojmë Djallin në të gjitha format, që nga
tundimet e deri tek thashethemet, që kanë për qëllim vetëm poshtërimin e tjetrit,
por edhe më keq, përçarjen – që siç tha Papa – është vepër tipike e Qoftëlargtit.
Në një shoqëri në krizë, jo vetëm ekonomike, por edhe vlerash, ne si xhandarë kemi
për detyrë të jemi kudo dëshmitarë të së vërtetës.