Այսօր շաբաթ 28 սեպտեմբերին կը նշուի Յովհաննէս Պօղոս Ա-ի մահուան 35-րդ ամեակը։ Ալպինօ
Լուչիանի - Յովհաննէս Պօղոս Ա քահանայապետը ծնած էր` 17 հոկտեմբեր 1912-ին, Իտալիոյ Պէլլունօ
շրջանի Գանալէ Տակորտօ գիւղաքաղաքին մէջ։ Անոր Քահանայապետութիւնը տեւեց միայն 33
օր։ 26 օգոստոս 1978-ին Յովհաննէս Պօղոս Ա յաջորդած էր երջանկայիշատակ Պօղոս Զ-ին, սակայն
28 սեպտեմբերին քունի մէջ կնքեց իր մահկանացուն։ Իր միակ '' Urbi et Orbi'' ճառին
մէջ Յովհաննէս Պօղոս Ա մատնանշած էր թէ ''Եկեղեցւոյ առաջնահերթ պարտականութիւնը ''աւետարանութիւնն''
էր եւ քաջալերած էր համամիութենական երկխօսութիւնը։ Քահանայապետութեան կարճ շրջանի ընթացքին
ան կատարեց չորս հրապարակային ունկնդրութիւններ որոնց ընթացքին խօսեցաւ` խոնրահութեան,
հաւատքի, յոյսի ու սիրոյ մասին որոնց շնորհիւ արժանացաւ ''խոնարհ քահանայապետ'' տիտղոսին։
Յովհաննէս Պօղոս Ա ճանչցուեցաւ նաեւ որպէս ''Կրօնուսույց Քահանայապետ'' եւ ''Աշխարահի
ժողովրդապետ քահանայապետ''։