Зацвердзіць новую
аснову для дзеянняў, у цэнтры якіх будзе барацьба з голадам і за права на харчаванне,
заклікалі сумесна “Caritas Internationalis”, “Caritas Europa” і іспанская “Caritas”
Арганізацыю Аб’яднаных Нацый з нагоды яе Генеральнай Асамблеі ў Нью-Ёрку. Дабрачынныя
арганізацыі просяць па-сутнасці прасоўвання новага плану развіцця да 2030 г., што
ўключае ў сябе эфектыўныя меры, накіраваныя на выкараненне голаду ў самых бедных краінах.
У звароце да ААН гаворыцца, што ліквідацыя голаду, харчовая бяспека і адсутнасць недаядання
павінны быць ключавымі мэтамі новага ўсёабдымнага плану.
“Caritas” лічаць,
што беднасць і голад могуць быць выдалены толькі пры скарачэнні няроўнасці сярод людзей
і абароне правоў чалавека. У прыватнасці, робіцца спасылка на ліст, які у чэрвені
2013 г. папа Францішак даслаў да ўдзельнікаў саміту “G8”, які адбыўся ў Вялікабрытаніі,
дзе Пантыфік заклікаў паставіць у цэнтр эканамічнай палітыкі чалавека.
Генеральны
сакратар “Caritas Internationalis” Мішэль Рой адзначыў, што мэта дзейнасці каталіцкіх
дабрачынных арганізацый – гэта ўстойлівы свет для будучых пакаленняў, у якім усе людзі
будуць мець доступ да харчавання, аховы здароўя і свабоды. У сувязі з гэтым, “Caritas”
завяршаюць сваё пасланне патрабаваннем распрацоўкі механізму адказнасці, які будзе
служыць маніторынгу і ацэнцы выканання абавязацельстваў, што ўрады возьмуць на сябе
па абароне асоб, якія жывуць у найбольш неспрыяльным становішчы.