Պէյրութէն Հռոմ Մեկնումի Պահուն. Եազիժի Պատրիարք Լաւատեսութեամբ Արտայայտուեցաւ Երկու
Առեւանգեալ Եպիսկոպոսներու Ազատ Արձակման Գծով
Անտիոքի եւ համայն Արեւելքի յոյն ուղղափառ համայնքի Եուհաննա Ժ. Եազիժի պատրիարքը երէկ
Պէյրութէն մեկնեցաւ Հռոմ` խորհրդակցութիւն մը ունենալու համար Ֆրանչիսկոս Ա. պապին հետ,
քննարկելու համար շրջանի եւ Լիբանանի քրիստոնեաներուն իրավիճակը: Նախքան իր մեկնումը,
Եազիժի պատրիարքը օդակայանի պատուոյ հիւրասրահին մէջ խորհրդակցութիւն մը ունեցաւ իրեն
հրաժեշտ մաղթելու եկած ընդհանուր ապահովութեան ընդհանուր տնօրէն հազարապետ-զօրավար Ապպաս
Իպրահիմի հետ: Այս առիթով Եազիժի պատրիարքը լաւատեսութեամբ յոյս յայտնեց երկու առեւանգեալ
եպիսկոպոսներու ազատ արձակման գծով: