Францыя: 40 гадоў шчыльнага дыялогу паміж хрысціянамі і мусульманамі
Служба французскай
біскупскай канферэнцыі па сувязях з ісламам адзначыць сваё 40-годдзе. У рамках святкавання
гадавіны 28 верасня 2013 г. у Парыжы пройдзе адмысловая канферэнцыя, у якой прыме
ўдзел кардынал Жан-Луі Таран, старшыня Папскай рады па міжрэлігійным дыялогу. Ён выступіць
з дакладам: “Абавязацельствы і перспектывы ісламскага-хрысціянскага дыялогу сёння”.
На адкрыцці канферэнцыі будзе таксама Тарек Убру, імам Вялікай мячэці Бардо.
Служба
па сувязях з ісламам французскага епіскапату паўстала ў 70-я гады і адразу заняла
на нацыянальнай і міжнароднай арэне месца галоўнага героя дыялогу паміж хрысціянамі
і мусульманамі. На працягу 40 гадоў яна спрыяе развіццю дыялога па некалькіх напрамках,
у тым ліку праз развіццё кантактаў паміж рэлігійнымі лідэрамі, асацыяцыямі і месцамі
культу. Дыялог разглядаецца з пункту гледжання тэалагічнага, душпастырскага і духоўнага.
Вынікам 40-гадовай працы стала стварэнне цэнтра дакументацыі, у якім захоўваецца 1600
дакументаў.
На думку дырэктара Службы, кс. Крыстофа Руку, духоўным выклікам
для хрысціянска-мусульманскага дыялогу сёння з’яўляецца пераасэнсаванне сумеснай гісторыі
двух рэлігій.