Ватыканскі тэлецэнтр
адзначыць сваё 30-годдзе. Ён быў створаны 22 кастрычніка 1983 г. па просьбе Яна Паўла
II. Свой юбілей, па словах дырэктара, кс. Дырыа Вігано, установа сустрэне заканчэннем
аблічбоўкі каштоўнага архіву, новай інтэрнэт-старонкай і інавацыйнай платформай для
кіравання кантэнтам. Кіраўнік адзначыў, што пантыфікат Францішка стаў сапраўдным выклікам
для тэлецэнтра. Пантыфік прыцягвае вялікую ўвагу сродкаў масавай інфармацыі і попыт
на відэа-матэрыялы з ім з боку буйных нацыянальных і міжнародных сетак узрос у некалькі
разоў.
Кс. Вігано абвясціў аб правядзенні буйной міжнароднай канферэнцыі ў
кастрычніку 2014 г. у Рыме, прысвечанай юбілею Ватыканскага тэлецэнтра.