У ардынарыятаў англіканскай традыцыі з’явіўся свой імшал
Апостальская Сталіца
зацвердзіла тэксты св. Імшы для выкарыстання ў каталіцкіх ардынарыятах англіканскай
традыцыі, паведамілі ў Персанальным ардынарыяце Маці Божай Уолсінгемскай. Яны ўвойдуць
ва ўжытак 10 кастрычнік 2013 г. Тэксты былі распрацаваныя для выкарыстання ў ардынарыятах
ва ўсім ангельскамоўным свеце і захоўваюць асноўныя рысы англіканскай духоўнай і літургічнай
традыцый. Трэба нагадаць, што некаторы час таму Святым Пасадам ужо былі зацверджаны
абрады сужэнства і пахавання.
“Увядзенне гэтых новых тэкстаў св. Імшы для ардынарыятаў
вельмі важна, бо гэта азначае, што ў нас зараз ёсць наша ўласная літургія, якая ўносіць
у св. Імшу рымскага абраду прыгожыя англіканскія тэксты, якія на працягу некалькіх
пакаленняў асвячаліся малітвай” , - адзначыў кс. прэлат Эндру Бэрнэм.
У абрад
св. Імшы для каталіцкіх ардынарыятаў англіканскай традыцыі былі ўключаны тэксты так
званай “Кнігі агульных малітваў”, прынятай у Англіканскай Царкве ў 1662 г.