Кардынал Жан -Луі
Таран знаходзіцца з візітам у Казахстане на запрашэнне старшыні Сената краіны Кайрата
Мамі. Візіт старшыні Папскай рады па міжрэлігійным дыялогу прымеркаваны да дзесятай
гадавіны правядзення Кангрэсу лідэраў сусветных і традыцыйных рэлігій. У 2003 г. ён
адбыўся ў Астане па ініцыятыве Прэзідэнта Казахстана Нурсултана Назарбаева і да сённяшняга
дня з’яўляецца важным інстытутам міжрэлігійнага дыялогу. З таго часу ў форумах, якія
праходзяць кожныя тры гады, заўсёды прымала ўдзел ватыканская дэлегацыя.
Казахстан,
дзе католікі складаюць менш за 2% насельніцтва , устанавіў дыпламатычныя адносіны
са Святым Пасадам 17 кастрычніка 1992 г. Праз шэсць гадоў, 24 верасня 1998 г., было
падпісана пагадненне паміж двума бакамі, якое гарантуе правы і абавязкі католікаў
у краіне, а таксама правы і абавязкі дзяржавы ў адносінах да іх. Сакратаром Апостальскай
нунцыятуры ў Казахстане з’яўляецца паходзячы з Беларусі кс. Аляксандр Рагіня.
Ян
Павел II у верасні 2001 г. здзейсніў у краіну апостальскі візіт.
Кардынал Таран
прабудзе ў Казахстане да 26 верасня. Падчас знаходжання ў рэспубліцы ён пазнаёміцца
з жыццём мясцовага Касцёла.