Kuria Romake: kardinali Rylko e Turkson konfirmohen deri në fund të mandatit pesëvjeçar
Papa Françesku mori sot dy vendime për Kurien Romake. Në Këshillin Papnor për Laikët,
konfirmoi në detyrën e kryetarit, kardinalin Stanislau Rylko e në detyrën e sekretarit,
imzot Josef Clemens, deri në përfundimin e mandatit të tyre pesëvjeçar. Ndërkaq, konfirmoi
deri më 31 dhjetor 2013, anëtarët dhe këshilltarët e këtij dikasteri. Në Këshillin
Papnor për Drejtësinë e Paqen, Ati i Shenjtë konfirmoi në detyrë kryetarin, kardinalin
Peter Turkson dhe sekretarin, imzot Mario Toso, duke përfshirë edhe anëtarët e këshilltarët,
deri në përfundim të pesëvjeçarit.