Папа: у сферы камунікацыі Касцёл павінен умець запальваць сэрцы
“Вялікі лічбавы кантынент
– гэта не толькі тэхналогія, ён складаецца з рэальных мужчын і жанчын, якія нясуць
з сабой тое, што маюць унутры: уласныя пакуты, трывогі, пошук праўдзівага, прыгожага
і добрага”, - з такімі словамі папа Францішак звярнуўся да ўдзельнікаў пленарнага
пасяджэння Папскай рады па сродках масавай камунікацыі, якіх прыняў 21 верасня на
аўдыенцыі. У сваёй прамове Пантыфік заклікаў спытаць саміх сябе – якая роля Касцёла
ў камунікацыйнай рэальнасці? “У любоў сітуацыі, нягледзячы на тэхналогіі, я думаю,
што мэтай гэтага павінна быць уключэнне ў дыялог з сучаснымі мужчынамі і жанчынамі,
каб зразумець іх чаканні, сумнівы, надзеі. Яны мужчыны і жанчыны немнога расчараваныя
у хрысціянстве, якое ім здаецца стэрыльным, з прычыны яго цяжкасцяў у дакладнай перадачы
глыбокага сэнсу, які дорыць вера”, - адзначыў Папа. Паводле Святога Айца важна быць
здольнымі весці дыялог, уваходзячы таксама ў прасторы створаныя новымі тэхналогіямі,
сацыяльнымі сеткамі і прысутнічаць там слухаючы, размаўляючы і натхняючы. “Не бойцеся
гэтай прысутнасці (...). Касцёл, які суправаджае на шляху, здольны крочыць з усімі!”,
- сказаў Папа.
Святы Айцец падкрэсліў, што галоўны выклік на які трэба адказаць
не з’яўляецца “прынцыпова тэхналагічным”. “Мы павінны спытаць сябе (...) ці мы здольныя,
таксама і ў гэтай сферы, несці Хрыста, весці на сустрэчу з Хрыстом? Ці мы здольныя
перадаваць аблічча Касцёла, каб ён стаў “домам” для усіх?
“Таксама і ў кантэксце
камунікацыі патрэбны Касцёл, які здольны несці цяпло, запальваць сэрцы. Наша прысутнасць,
нашы ініцыятывы могуць адказаць на гэта патрабаванне? Мы маем каштоўны скарб, які
трэба перадаць, скарб, які нясе святло і надзею. У ім існуе вялікая патрэба! Але ўсё
гэта патрабуе ўважлівай і кваліфікаванай падрыхтоўкі святароў, законнікаў, законніц,
свецкіх таксама і ў гэтай сферы”, - сказаў Папа.
Францішак адзначыў, “што мы
з’яўляемся толькі сродкамі і галоўная праблема не ў засваенні складаных тэхналогій,
хоць яны неабходныя для актуальнай і дзейснай прысутнасці”. “Няхай для нас заўсёды
будзе ясна, што Бог, у якога мы верым, Бог заклапочаны чалавечам, хоча аб’явіцца праз
нашы сродкі, нават калі яны бедныя, таму што гэта Ён дзейнічае, Ён перамяняе, Ён збаўляе
жыццё чалавека”, - сказаў Папа.