Ватыкан: сустрэча катэхэтаў з усяго свету

Пад дэвізам: “Катэхэт– сведка веры” ў Ватыкане 25-29 верасня, з нагоды Года веры, пройдзе шмат мерапрыемстваў, прысвечаных катэхэтам. Сустрэча катэхетаў з усяго свету ў Вечным Горадзе склікана таксама, каб нагадаць 20-ю гадавіну апублікавання Катэхізісу Каталіцкага Касцёла. Найважнейшымі падзеямі Тыдня Катэхэтаў будуць дзве сустрэчы з папам Францішкам: 27 верасня, калі Святы Айцец звернецца да іх з катэхэзай, якая будзе прысвеча хрысціянскай веры, і 29 верасня, калі ўзначаліць св. Імшу на плошчы св. Пятра.

Катэхэты падчас рымскіх мерапрыемстваў абмяркуюць, між іншым, спосабы абвяшчэння Евангелля ў розных грамадскіх кантэкстах, а таксама ролю і значэнне прац, якія праводзяць, асабліва ў краінах Афрыкі і Лацінскай Амерыкі, дзе з-за недахопу святароў яны з’яўляюцца галоўнымі абвяшчальнікамі паслання Хрыста. Асаблівым момантам рымскага форума стане таксама сход ўдзельнікаў пры магіле св. Пятра, дзе яны разам складуць вызнанне веры.

Я. Мойсік