Ուքրանիա Հաստատած Է Եւրոպական Միութեան Հետ Ընկերակցութեան Համաձայնագիրի Նախագիծը
Gazeta.ru կայքէջը կը հաղորդէ, որ Ուքրանիոյ մէջ Եւրոպական Միութեան ներկայացուցչութեան
ղեկավար Եան Թոմպինսքի յայտարարած է, որ Ուքրանիոյ կառավարութիւնը հաստատած է Եւրոպական
Միութեան հետ Ընկերակցութեան համաձայնագիրի նախագիծը: Կառավարութեան նիստին քննարկուելէ
ետք, փաստաթուղթը պիտի փոխանցուի Ուքրանիոյ նախագահ Վիքթոր Եանուքովիչին` ստորագրման
համար: Ուքրանիա կ՛ենթադրէ, որ այդ համաձայնագիրի ստորագրումը պիտի նպաստէ ուղղակի
ներդրումներու յաւելման եւ պիտի մեծցնէ ուքրանական տնտեսութեան մրցունակութիւնը: Ուքրանիան
կը նախատեսէ ստորագրել համաձայնագիրը այս տարուան նոյեմբերին` Վիլնիուսի մէջ «Արեւելեան
գործընկերութեան» վեհաժողովի ընթացքին: