18 верасня папа Францішак
выразіў спачуванні ахвярам прыродных катаклізмаў у Мексіцы. Шторм “Мануэль” і ўраган
“Інгрыд” абрынулі на краіну моцныя дажджы і магутныя вятры, якія прывялі да паводак
і апоўзняў. У выніку чаго за апошнія дні загінулі па меншай меры 80 чалавек, дзесяткі
людзей прапалі без вестак і тысячы засталіся без даху над галавой. У тэлеграме скіраванай
за подпісам кардынала Дзяржсакратара Тарчызіо Бэртонэ, Папа запэўніх ахвяраў катаклізму
ў сваёй малітве, выразіў спачуванні сем’ям загінуўшых, а таксама бацькоўскі клопат
і духоўную блізкасць параненым і пазбаўленым дамоў. Францішак заклікаў усіх людзей
добрай волі да братэрскай салідарнасці, каб адбудаваць пашкоджаныя ўраганам тэрыторыі
і дапамагчы ўсім, хто прабывае ў пакутах і роспачы.