ജൂബിലിയാഘോഷിക്കുന്ന കൊറിയന്‍ വൈദികര്‍ക്ക് മാര്‍പാപ്പയുടെ ആശംസകള്‍
17 സെപ്തംബര്‍ 2013, വത്തിക്കാന്‍ ജൂബിലിയാഘോഷിക്കുന്ന കൊറിയന്‍ വൈദികര്‍ക്ക് ഫ്രാന്‍സിസ് മാര്‍പാപ്പയുടെ പ്രാര്‍ത്ഥനാശംസകള്‍. ദക്ഷിണ കൊറിയയിലെ അന്‍ദ്രേയ കിം കത്തീഡ്രല്‍ ദേവാലയമാണ് വൈദിക ശുശ്രൂഷയുടെ രജത – സുവര്‍ണ്ണ ജൂബിലി ആഘോഷിക്കുന്ന 20 വൈദികരുട സംഗമത്തിനു വേദിയായത്. രക്ഷസാക്ഷിത്വം വരിച്ച പ്രഥമ കൊറിയന്‍ വൈദികനായ അന്‍ദ്രേയ കിം ദായേ ഗുനിന്‍റെ രക്തസാക്ഷിത്വ വാര്‍ഷികത്തില്‍ ദക്ഷിണ കൊറിയയിലെ സെയോള്‍ രൂപതയാണ് ജൂബിലി ആഘോഷിക്കുന്ന വൈദികരുടെ ആദരാര്‍ത്ഥം ഈ സംഗമം സംഘടിപ്പിച്ചത്. ജൂബിലി നിറവിലെത്തിയിരിക്കുന്ന വൈദികര്‍ക്ക് ഫ്രാന്‍സിസ് മാര്‍പാപ്പയുടെ ആശംസകള്‍ അറിയിച്ചുകൊണ്ട് വത്തിക്കാന്‍ സ്റ്റേറ്റ് സെക്രട്ടറി കര്‍ദിനാള്‍ തര്‍ച്ചീസ്യോ ബെര്‍ത്തോണെ സെയോള്‍ അതിരൂപതാധ്യക്ഷന്‍ ആര്‍ച്ചുബിഷപ്പ് ആന്‍ഡ്രൂ സൂ ജൂങിന് സന്ദേശമയച്ചുവെന്നും അതിരൂപത അറിയിച്ചു.
| All the contents on this site are copyrighted ©. |