Զողպի. «Սուրիա Ամբողջովին Կ՛ընդունի Քիմիական Զէնքի Ոչնչացման Ծրագիրը»
Սուրիոյ տեղեկատուութեան նախարար Օմրան Զողպի հաւաստեց Սուրիոյ կողմէ քիմիական զինաթափման`
Ռուսիոյ եւ Միացեալ Նահանգներու կողմէ համաձայնեցուած ծրագիրը իրագործելու պատրաստակամութիւնը
ՄԱԿ-ի Ապահովութեան խորհուրդին մէջ հաստատուելէն ետք: Ըստ անոր, Սուրիան «ամբողջովին
կ՛ընդունի քիմիական զէնքի ոչնչացման ռուսական ծրագիրը»: Նախարարը աւելցուց, որ Դամասկոս
առանց սահմանափակումներու պիտի կատարէ ՄԱԿ-ի հաւանութեան արժանացած առաջադրանքները եւ
արդէն սկսած է պատրաստել համապատասխան փաստաթուղթերը: Թուրքիոյ նախագահ Ապտիւլլա Կիւլ
յայտարարեց, որ իր երկիրը կը զօրակցի Սուրիոյ մէջ քիմիական զէնքերու վնասազերծման որեւէ
քայլի: