Արամ Արք. Աթեշեան Ահազանգ Կը Հնչեցնէ Թուրքիոյ Հայկական Եկեղեցիներու Ոչնչացման Վտանգին
Շուրջ
«Թուրքիոյ մէջ հայկական եկեղեցիներուն թիւը օրէ օր կը նուազի», «Հապերլեր»-ի հետ զրոյցի
մը ընթացքին ահազանգած է Պոլսոյ հայոց պատրիարքական ընդհանուր փոխանորդ Արամ արք. Աթեշեան: Աթեշեան,
որ Սիլվանէն է, ցաւ յայտնած է, որ ներկայիս Թուրքիոյ սահմաններուն մէջ գտնուող Սասուն,
Սիլվան եւ Պիթլիս բնակավայրերուն մէջ միայն տասը եկեղեցիներ մնացած են, մինչ անցեալին
անոնց թիւը երկու հազարի կը հասնէր: Աթեշեան նաեւ նշած է, որ Սասունի մէջ հայկական
ծիսակատարութիւններ իրականացնելու շնորհիւ, Թուրքիան աւելի ազատ երկիր մը դարձած է: Պոլսոյ
հայոց պատրիարքական ընդհանուր փոխանորդը յիշած է, որ մինչեւ 1914 Թուրքիոյ մէջ կային
2170 եկեղեցիներ, սակայն ներկայիս կանգուն կը մնայ անոնցմէ միայն 45-ը: