Հինգշաբթի 12 սեպտեմբեր 2013-ի առաւօտեան ժամը 11-ին իր գրասենեակի մէջ ընդունեց Թայլանտիայի
Վարչապետ Տիկ Եինկլուք Շինաուադրա ու անոր ընկերացող պատուիրակութիւնը։ Ժամը 11,30-ին
ընդունեց Ամերիկիան Նահանգներու կազմակերպութեան ընդհանուր քարտուղար Տիար Խօսէ Միկէլ
Ինսուլզա ու անոր ընկերացող շքախումբը։ Ժամը 12-ին ընդունեց ֆիրենցէի Արքեպիսկոպոս Կարտինալ
Ճուզեփփէ Պեթորի իսկ ժամը 12,30-ին ընդունեց Գուպայի դեսպանը Թտուարտօ Տէլկատօ Պէրմուտէզ
հրաժեշտի այցելութեան առթիւ։
Յայտնենք որ այս առաւօտեան ժամը 7-ին Տոմուս Սանդա
Մարդայի մէջ մատուցած սուրբ պատարագի ընթացքին արտասանած իր քարոզին մէջ ֆրանչիսկոս Սրբազան
քահանայապետը ըսաւ
Յիսուսի խնդրանքները հասկնալու համար պէտք ունինք Տիրամօր
քաղցրութեան` ''Սիրեցէք ձեր թշնամիները , բարիք ըրէք անոնց առանց անոնցմէ հատուցում
ակնկալելու։Ձեր վերարկուն գողցողին, տուէք ձեր մնացած զգեստները։Ուժեղ խօսքեր են։Բայց
այս բոլորը Տիրամայրը ապրեցաւ իւրայատուկ կերպով` հեզութեան եւ քաղցրութեան շնորհքով։ Միայն
Յիսուսի մտածել։ Եթէ մեր սիրտը եւ միտքը Յիսուսի հետն է, Յաղթականը ՝ որ յաղթեց մահուան,
մեղքին եւ սատանային, կրնանք գործադրել այն ինչ որ Ան եւ Պօղոս առաքեալ կը խնդրեն մեզմէ`
հեզութիւն. խոնհարութիւն, բարութիւն, գորով, քաղցրաբանութիւն, վեհանձնութիւն։ Իսկ եթէ
մեր աչքերը չի սեւեռենք Յիսուսի, եթէ Յիսուսի հետ չենք, կարող չենք այդ բոլորը կատարել։