Патрыярх Кірыл звярнуўся
да Прэзідэнта ЗША Барака Абамы з заклікам “прыслухацца да галасоў рэлігійных лідэраў,
адзінадушна выступаючых супраць вайсковага умяшання ў сірыйскі канфлікт і спрыяць
хутчэйшаму пачатку мірных перамоваў”. Прадстаяцель Рускай Праваслаўнай Царквы звярнуўся
да амерыканскага лідэра з нагоды чарговай гадавіны тэрарыстычных нападаў 11 верасня
2001 г. “Руская Праваслаўная Царква ведае кошт чалавечых пакутаў і стратаў, паколькі
наш народ у ХХ ст. перажыў дзве разбуральныя сусветныя вайны, якія ўнеслі мільёны
жыццяў і сапсавалі шматлікія лёсы. Мы ўспрымаем як свае ўласныя боль і цярпенні амерыканскага
народа, які перажыў жудасныя тэрарыстычныя напады”, - напісаў Патрыярх Кірыл.
Ён
адзначыў, што сёння Сірыя стала арэнай узброеннага супрацьстаяння міжнароднаму тэрарызму,
а для мільёнаў мірных жыхароў гэта вайна стала “штодзённай Галгофай”. Іерарх выразіў
занепакоеннасць з прычыны таго, што ў выніку вайсковага ўмяшання да ўлады ў Сірыі
могуць прыйці радыкальныя сілы, якія не здолеюць і не пажадаюць забяспечыць міжканфесійную
згоду ў сірыйскім грамадстве. Асобую занепакоенасць патрыярх Кірыл выразіў за хрысціянскае
насельніцтва Сірыі, якому ў выпадку вайны пагражае “поўнае знішчэнне ці выгнанне”.
Глава
Рускай Праваслаўнай Царквы лічыць важным выкарыстанне магчымасцяў для дыпламатычнага
вырашэння канфлікта, якія прадугледжваюць кантроль міжнароднай супольнасці над хімічнай
зброяй у Сірыі.