Папата го посети центарот за бегалци Астали

Во вторник, 10 септември, Папата Фрањо отиде во приватна посета на центарот Астали во Рим, установа на Дружбата Исусова, која веќе 30 години се зазема за заштита на оние кои ги напуштиле сопствените земји и дошле во Рим. Во неа бегалците го поминуваат својот секојдневен живот, одат во мензата, добиваат правна, социјална и здравствена помош - рече во разговор за нашата радио станица патер Џовани Ла Мана, директор на Центарот Астали. Говорејќи за очекувањата од посетата на Папата, патер Ла Мана истакна дека првиот плод кој го очекуваат е човечко, духовно искуство кое настојува да ја зачува надежта на бегалците за живот со вистински мир и смиреност. Освен тоа, се надева и на напорите на оние кои се одговорни за нашите држави, повторно да донесат мир во земјите од кои доаѓаат овие лица, а најмногу да се одржи жив ентузијазмот за служење на сиромашните и бегалците - истакна патер Ла Мана.
РВ/Б.У