“Горназдабываючая
дзейнасць павінна адпавядаць міжнародным стандартам па ахове навакольнага асяроддзя,
у пошуку гармоніі інтарэсаў бізнэсу і справядлівасці, каб гэта ўносіла ўклад у справу
міра.” Гэта падкрэсліў Папа у сваім звароце на імя старшыні Папскай рады “Iustitia
et Pax” кардынала Пітэра Тарксана, які запрасіў у сваю дыкастэрыю біскупаў, капеланаў
і пробашчаў, а таксама кіраўнікоў буйнейшых кампаній, каб паразважаць аб этыцы ў здабычы
і размеркаванні багаццяў з нетраў Зямлі. Праз Кардынала Дзяржсакратара Тарчызіо Бэртонэ
7 верасня Францішак падрэсліў важнасць ініцыятывы не толькі таму, што аб’яднала кіраўнікоў
“шматнацыянальных кампаній сектару – хрысціян, паслядоўнікаў іншых рэлігій і няверуючых,
але і а таму, што гэта першы выпадак, калі лідэры горназдабываючай прамысловасці знаходзяцца
побач з наступнікам Пятра, каб задумацца аб важнасці іх абавязку ў адносінах да чалавецтва
і навакольнага асяроддзя”, - падкрэсліваецца ў пасланні. Папа, праз удзельнікаў
нарады, запэўнівае сваю блізкасць да ўсіх ганякоў: “шахцёраў і іх сем'яў, прафсаюзаў,
мясцовых суполак і дзяржаў , якія валодаюць мінеральнымі рэсурсамі”. “Выкапневая
дзейнасць, як і іншыя індустрыі, мае экалагічныя і сацыяльныя наступствы, якія перадаюцца
з пакалення ў пакаленне”, - гаворыцца ў пасланні ад Папы. Выказваецца ўпэўненасць
ў разуменні адказнасці з боку кіраўнікоў галіны, асабліва ў Афрыцы і на іншых кантынентах,
ва ўсмедамленні вялікіх памылак мінулага. “Неабходна знайсці новы і больш свядомы
працэс прыняцця рашэнняў, які будзе мець на ўвазе складанась праблем галіны ў кантэксце
салідарнасці”, - падкрэсліваецца ў пасланні. Неабходна гарантаваць ганякам сацыяльныя
і эканамічныя правы ў поўнай павазе да нормаў Міжнароднай Арганізацыі працы. Касцёл
на месцах мае супрацоўнічаць з кіраўнікамі горназдабываючай прамысловасці, каб развіваць
больш рацыянальны і справядлівы падыход да праблемы, - гаворыцца ў пасланні. У
нарадзе прынялі ўдзел прадстаўнікі залата- і металаздабываючай, алмазнай і іншай выкапневай
прамысловасці, інвестары з Еўропы, Азіі і Афрыкі.