Սուրիոյ Խորհրդարանի Նախագահը
Քոնկրեսին Կոչ Կ՛ուղղէ Զինուորական
Հարուածը Չարտօնելու
Սուրիոյ խորհրդարանի նախագահ Ժիհատ Լահհամ Քոնկրեսին կոչ ուղղեց Սուրիոյ դէմ ամերիկեան
զինուորական հարուած մը չարտօնելու: Ան ամերիկացի քոնկրեսականներուն ուղղուած բաց նամակի
մը մէջ կոչ ուղղեց` Դամասկոսի մօտ քիմիական զէնքով ենթադրեալ յարձակումին հակադարձելու
համար զինուորական հարուած մը արտօնող որոշում մը չորդեգրելու:Քոնկրեսէն բարձրաստիճան պաշտօնատարներ քուէյթեան «Ռայ» օրաթերթին յայտնեցին, որ Սուրիոյ դէմ զինուորական ուժ օգտագործել արտօնող բանաձեւի որդեգրումը ներկայիս չէ ապահովուած: Աղբիւրները նշեցին, որ եթէ Ծերակոյտին մէջ այդ բանաձեւին շուրջ վաղը քուէարկութիւն կատարուի, անիկա պիտի ձախողի ձայներու մեծամասնութիւնը ապահովել, եւ նոյնն է պարագան Ներկայացուցիչներու տան մէջ, ուր Սուրիոյ նախագահ Պաշշար Ասատին դէմ հարուածին ընդդիմութիւնը աւելի ուժեղ է:
| All the contents on this site are copyrighted ©. |