Арцыбіскуп Палья: маліцца за мір значыць дакрануцца да штурвалу гісторыі
Важна, каб
заклік да міру, зроблены папам Францішкам, дасягнуў як найбольш сем'яў свету, - лічыць
арцыбіскуп Вінчэнца Палья, старшыня Папаскай рады па справах сям’і . Ён не мае сумніву,
што паратунак зыходзіць з сем’яў, таму ў гэты момант у чарговы раз заклікае ўсе сем’і
прыняць удзел у спыненні эскалацыі вайсковых дзеянняў у Сірыі. У інтэрв’ю нашаму радыё
іерарх сцвердзіў, што менавіта ў сям’і нараджаецца жыццё, мір, салідарнасць і братэрства.
У абліччы трагедыі ў Сірыі - важна, каб усе неяк удзельнічалі ў спыненні варожасці.
Кожная сям’я можа ўнесці свой уклад праз розныя акцыі, - перакананы старшыня ватыканскай
дыкастэрыі. “Для вернікаў, для хрысціянскіх сем'яў, звярнуцца да Бога ў малітва
азначае дакрануцца да штурвалу гісторыі , таму што малітва змяняе гісторыю: ўзмоцненая
малітва да Пана глыбока адбіваецца на гістарычных падзеях”, - сказаў арцыбіскуп Палія.
Ён падкрэсліў, што супольнае супрацьстаянне вайне – гэта знак цывілізаванасці,
а таксама веры, ад якой залежыць будучыня планеты. А. Мартэцкая