Զմմառու Պատրիարքական Միաբանութեան Դպրեվանքի 50-ամեակի Նշում։

Զմմառու Պատրիարքական Միաբանութեան նորակերտ դպրեվանքի հիմնարկութեան 50-ամեակի առթիւ, տեղի պիտի ունենան տօնական հանդիսութիւններ յիշելու համար այս մեծ եղելութիւնը:
Զմմառու դարաւոր վանքը իր անցեալով և ներկայով «իբրեւ Խանձարարուրը Կիլիկեան Պատրիարքութեան Կաթողիկէ Նոր Շրջանին», աճեցաւ ու բարգաւաճեցաւ շնորհիւ Դպրեվանքին, որ կը գտնուէր հայ կաթողիկէ հայրապետներու և միաբան հայրերու հոգատարութեան ներքեւ:
Դպրեվանքի տեսչութիւնը շարք մը տօնական միջոցառումներ պիտի կատարէ, որոնցմէ առաջինը՝ Կիրակի 8 Սեպտեմբեր 2013-ին, Ս. Կոյս Մարիամ Աստուածածնի ծննդեան տօնին օրը: Այս առթիւ գեղարուեստական ճոխ յայտագիր մը պիտի ներկայացուի դպրեվանքի շրջափակէն ներս: