Բանամայի Մէջ Նախատեսուած Են Ամերիկեան Առաջին Թեմի Հաստատման 500րդ Յոբոլեանին Եզրափակիչ
Արարողութիւնները։
Ուրբաթ 6 սեպտեմբերին Բանամայի բոլոր ժողովրդապետութիւններու մէջ կայանալիք Բանամայի
Պահպան սրբուհի ''ԼաԱնդիկուա'' Սուրբ կոյս Մարիամի ի պատիւ երրօրեայ մարեմեան աղօթքով,
սկիզբ կ՛առնեն Ամերիկեան ցամաքամասի առաջին թեմի հաստատման 500րդ Յոբելինական Եզրափակիչ
տօնակատարութիւնները։ Մինչ կիրակի 8 սեպտեմբերի յետմիջօրէին Բանամայի մայրաքաղաքի
ծովափի տարածքին նախատեսուած է թափօր մը որ վերջ կը գտնէ Աթոռանիստ Եկեղեցւոյ մէջ մատուցուած
նախատօնակի Սուրբ պատարագով։ Իսկ երկուշաբթի 9 սեպտեմբերի արեւածագէն սկսեալ նախատեսուած
են մարեմեան տաղերու ներկայացում, սուրբ վարդարանի բարեպաշտական աղօթք եւ եզրափակիչ հանդիսաւոր
Սուրբ Պատարագ։ Յայտնենք որ յոբելինական տօնակատարութիւնները սկիզբ առած էին 2012-ի 28
նոյեմբերին, Եպիսկոպոսներու Ժողովի կառավարիչ եւ Լատին Ամերիկայի Քահանայապետական յանձնախումբի
նախագահ` Կարտինալ Մարք Ուելլէի գլխաւորած Սուրբ Պատարագով որուն իրենց մասնակցութիւնը
բերին երկրին բոլոր եպիսկոպոսները։