4 верасня папа Францішак
сустрэўся з капітанамі-рэгентамі Рэспублікі Сан-Марына Антанэлай Мулароні і Дэнісам
Амічы. Святы Айцец прыняў кіраўнікоў гэтай дзяржавы на аўдыенцыі. Затым яны сустрэліся
з кардыналам Дзяржсакратаром Тарчызіо Бэртонэ. Падчас перамоваў, падкрэсліваліся добрыя
ўзаемныя адносіны паміж Рэспублікай Сан-Марына і Святым Пасадам. У спецыяльным паведамленні
Залы Друку Апостальскай Сталіцы, адзначаецца, што ўдзельнікі сустрэчы закранулі пытанні
звязаныя з цяжкай сітуацыяй ва ўсходняй частцы міжземнамор’я і пагадзіліся адносна
таго, што толькі “адзінадушная дзейнасць усіх краін можа гарантаваць мірнае вырашэнне
канфлікта і бяспеку ва ўсім рэгіёне”. “Абодва бакі пацвердзілі жаданне працягваць
канструктыўнае супрацоўніцтва на білатэральным узроўні і ў кантэксце міжнароднай супольнасці”,
- гаворыцца ў паведамленні Залы Друку.