Takim i Papës me Kapitenët Regjentë të Republikës së San Marinos
Sot paradite, Papa Françesku priti në audiencë Kapitenët Regjentë të Republikës së
San Marinos, Antonela Mularoni e Denis Amiçi. Pasi shprehën kënaqësinë për marrëdhëniet
e mira ndërmjet dy vendeve, me status të veçantë brenda Italisë, të dyja palët folën
për gjendjen e rëndë në zonën e Mesdheut lindor. U theksua se vetëm impenjimi i përbashkët
i të gjitha kombeve mund të sigurojë zgjidhjen e konfliktit aktual dhe kthimin e sigurisë
në të gjithë rajonin e Lindjes së Mesme. Para takimit me Atin e Shenjtë, përfaqësuesit
e San Marinos biseduan edhe me Sekretarin e Shtetit të Vatikanit dhe me Sekretarin
për Marrëdhëniet me Shtetet.