Папа Францішак скіраваў
шэраг твіт-паведамленняў прысвечаных тэме міра. “Няхай больш ніколі не будзе вайны!
Няхай больш ніколі не будзе вайны!”, – з такімі словамі звярнуўся Святы Айцец 2 верасня.
У наступным твіце Пантыфік сцвердзіў: “Мы хочам быць людзьмі міра, хочам быць мужчынамі
і жанчынамі міра”. Праз некалькі гадзін ён дадаў: “Колькі пакутаў, колькі спусташэння,
колькі болю прынесла выкарыстанне зброі”. Раніцай 3 верасня Францішак зноў звярнуўся
да вернікаў праз свой акаўнт у “Твітэры”. На гэты раз Папа нагадаў, што “Езус, прыходзячы
да нас перамяняе наша жыццё. У Ім мы бачым, што Бог – гэта любоў, вернасць, жыццё
якое дорыцца”. Затым Папа выразіў жаданне ўсяго чалавецтва: “Мы хочам каб ў гэтым
нашым грамадстве, змучаным падзеламі і канфліктамі, наступіў мір”, - напісаў ён. Сваім
апошнім твітам Францішак адзначыў: “З асаблівай рашучасцю асуджаю выкарыстанне хімічнай
зброі!”