Tweet i Papës: të shpërthejë paqja në shoqërinë tonë, të përçarë nga konflikte e ndarje
Papa Françesku vazhdoi edhe sot, përmes Twitter-it, t’i thurë himn paqes dhe dashurisë
së Zotit, siç po bën gjatë këtyre ditëve, duke pasur parasysh konfliktin në Siri e
ndeshjet në zona të tjera të botës. Në faqen e tij “@Pontifex”, Ati i Shenjtë shkruan:
“Duam që në këtë shoqërinë tonë, të përçarë nga ndarje e konflikte, të shpërthejë
paqja”. Më herët në mëngjes, një tweet tjetër i Atit të Shenjtë: “Jezusi, duke ardhur
mes nesh, na e shndërron jetën. Në Të e shohim se Zoti është dashuri, është besnikëri,
është jetë që dhurohet”.