Programi i mbrëmjes së lutjes për paqen në Siri të shtunën në Vatikan
Në kuadrin e ditës së agjërimit e të lutjes për paqen në Siri e të mbrëmjes së lutjes,
në program të shtunën e ardhshme në Sheshin e Shën Pjetrit në Vatikan, me Papën Françesku,
Sekretaria e Shtetit të Vatikanit i ka ftuar sot ambasadorët e akredituar pranë Selisë
së Shenjtë për një briefing, që do të zhvillohet të enjten paradite, për të njoftuar
Trupin diplomatik mbi domethënien e nismës të Papës. Kështu pohoi zëdhënësi i Vatikanit,
atë Federiko Lombardi. Sekretaria e Shtetit të Selisë së Shenjtë ka njoftuar për këtë
nismë të rëndësishme për paqe edhe konferencat ipeshkëvnore katolike të botës. E po
kështu kanë vepruar edhe dikasteret kompetente të Vatikanit me Kishat tjera të krishtera
dhe me bashkësitë tjera fetare të botës. Zhvillimi i mbrëmësores së lutjes për
paqe në Siri e në botës, që do të zgjasë katër orë nga 19 deri në 23, aktualisht
është ende në fazën e papërgatitjes nga mjeshtri i kremtimeve liturgjike papnore,
imzot Guido Marini. Momenti qendror i kësaj lutjeje për paqe, shpjegoi zëdhënësi atë
Lombardi, do të jenë Rruzarja e Shenjtë, adhurimi i të Shenjtueshmit Sakrament të
Eukaristisë, bekimi, e këndej një meditim i rastit nga Papa Françesku. Gjatë kësaj
mbrëmjeje do të ketë edhe mundësi rrëfimi për ata besimtarë që duan të pajtohen me
Hyjin e të afërmin.