Ռոմանացի Գերապայծառ Վլատիմիր Կիքայի Երանացման Արարողութիւնը։

Շաբաթ 31 Օգոստոսի առաւօտեան ժամը 11.00 ին , Ռումանիոյ ՝ Պուխարէսթ մայրաքաղաքին ''Մամլոյ Ազատութիւն'' կոչուած հրապարակին վրայ , տեղի կ՛ունենայ Գերապայծառ Վլատիմիր Կիքայի երանացման արարողութիւնը որուն կը նախագահէ Կարտինալ Անճէլօ Ամաթօ ՝ կառավարիչը սուրբերու դատի ժողովին։

Գերապայծառ Վլատիմիր Կիքայ ձերբակալուած էր եւ ապա դատապարտուած 1952-ին, Ռումանիոյ Կաթողիկէ եկեղեցւոյ եւ Սուրբ Աթոռի միջեւ կապեր հաստատելուն համար։

Գերապայծառ Կիքայ բանտարկութեան շրջանին, չարչարանքի եւ բռնութեան հետեւանքով 16 Մայիս 1954 թուականին նահատակուեցաւ Պուխարէսթի Ժիլավա կոչուած բանտին մէջ։

Յայտնենք որ Կիրակի 1 սեպտեմբերի առաւօտեան ժամը 10,30-ին Պուխարէսդի աթոռանիստ եկեղեցւոյ մէջ տեղի կ՛ունենայ գոհաբանական սուրբ պատարագ եւ երանելի Կիքայի մասունքներու պաշտամունքի արարողութիւն։