ԽՕՍէ՛ ԻՆԾԻ ՀԱՅ ԵԿԵՂԵՑԻԻ ՄԱՍԻՆ Հայ Դիցաբանութեան Յատկանիշերը
(Քաղուած` Անդրանիկ Վրդ. Կռանեանի գիրքէն) (շարունակութիւն)
Ըստ
հայկական մեր իւրայատուկ սովորութեան, մենք միւս ազգերուն մշակոյթէն, գեղար-ւեստէն, ծէսէն
ու ճարպարապետութենէն քաղած ու հայացուցած ենք միայն ա՛յն ինչը որ համապատասխանած է մեր
պահանջքներուն: Մենք մեղուի գործ կատարած ենք. զանազան ծաղիկներէ քաղելով` մեր մեղր շինած
ենք: Նոյնը կատարած ենք Դիցաբանութեան մէջ: Որքան ալ հայ Ազգը իր Պանթէոնը մեղուի
նման զանազան աղբիւրներէ կազմած ըլլայ, սակայն ան գիտցած է նաեւ պահպանել այն ինքնուրոյն
յատկութիւնները, որոնք արտա-յայտութիւնն են իր ազգային դիմագիծին: Այլ խօսքով, հայ դիցաբանութիւնը,
թէեւ կազ-մուած է իրանական, ասորական կամ յունական տիպարներէ, սակայն ազգային նկարա-գիր
մը առած է: Այսպէս. Արամազդը (իրանական Ահուրա Մազդա) մեզ մօտ միահեծան
չաստուած է: Մեր դիցաբանութիւնը չի ճանչնար չար ու բարի աստուածներու երկութիւնը, ինչպէս
որ կայ իրանական դիցանանութեան մէջ: Իրանական Պանթէոնին մէջ կին չաստուած չի գտնուի,
մինչդեռ մեր դիցաբա-նութեան մէջ բազմաթիւ դիցուհիներ կան, որոնք բաբելոնական կամ յունական
դի-ցաբանութիւններէն առնուած են եւ հայ հեթանոսական շրջանին լայն մեծարանք վայելած են: Մեր
դիցաբանութեան մէջ չենք գտներ մեռելներու պաշտամունքը, ինչ որ հասարակ երեւոյթ է եգիպտական,
յունական եւ միւս կրօններու մօտ: Արայի եւ յարալէզներուն աւանդավէպը կը խորհրդանշէ բնութեան
վերածնունդը եւ ո՛չ թէ մեռելներու պաշտամունքը: Հայ դիցաբանութեան մէջ չկայ չաստուածներուն
եւ մարդոց միջեւ միջնորդի կամ պատգամաբերի տիպարը, ինչպէս Զարադուստրան` Պարսից մօտ: Միւս
կրօնները աստուածներու երրորդութիւն մը ունին, ինչպէս` զրադաշտական կրօնին Արամազդ-Միհր-Ահրիման
երրորդութիւնը: Սակայն ըստ Ագաթանգեղոսի հայկական դիցաբանութիւնն ալ կը ճանչնար Արամազդ-Անահիտ-Վահագն
երրորդութիւն մը: